દિલ્હીમાં બનેલી કાર બ્લાસ્ટની ઘટનાના પગલે સુરત શહેર પોલીસ હાઈ એલર્ટ પર આવી ગઈ છે. સુરક્ષા વ્યવસ્થાને વધુ મજબૂત બનાવવા માટે AI (આર્ટિફિશિયલ ઇન્ટેલિજન્સ) આધારિત કેમેરા નેટવર્ક નો મહત્તમ ઉપયોગ શરૂ થયો છે. સુરત શહેરમાં ફેલાયેલા આ સ્માર્ટ કેમેરા હવે તમામ ગતિવિધિઓનું ઓટોમેટિક નિરીક્ષણ કરી રહ્યા છે.

1600 CCTV કેમેરાનું શહેરવ્યાપી નેટવર્ક

પોલીસ કમિશનર અનુપમસિંહ ગેહલોત ના માર્ગદર્શન હેઠળ સુરત પોલીસ દ્વારા શહેરભરમાં ફેલાયેલા 1600 જેટલા CCTV કેમેરા મારફતે તમામ મુખ્ય માર્ગો, જાહેર સ્થળો અને સંવેદનશીલ વિસ્તારો પર ચાંપતી નજર રાખવામાં આવી રહી છે.
આ નેટવર્ક દ્વારા કોઈપણ શંકાસ્પદ હિલચાલ તરત શોધી કાઢી પોલીસને એલર્ટ કરવામાં આવે છે.

AI ટેક્નોલોજીથી હિસ્ટ્રી શીટરો પર નજર

સુરત પોલીસએ શહેરના 1100 જેટલા હિસ્ટ્રી શીટરોનો ડેટા AI કેમેરા સિસ્ટમમાં અપલોડ કર્યો છે.
આ ટેક્નોલોજી શહેરના વિવિધ વિસ્તારોમાં આ હિસ્ટ્રી શીટરોની ઓટોમેટિક મોનિટરિંગ કરે છે.
જો કોઈ શંકાસ્પદ પ્રવૃત્તિ નોંધાય, તો સિસ્ટમ તાત્કાલિક એલર્ટ મોકલી પોલીસને ચેતવે છે , જેથી સંભવિત ગુના કે અનિચ્છનીય ઘટના પહેલાં જ પગલાં લેવાઈ શકે.

ઔદ્યોગિક વિસ્તારોમાં વિશેષ તકેદારી

સુરતના હજીરા ઇન્ડસ્ટ્રીયલ ઝોન માં સુરક્ષા વધારવામાં આવી છે.
પોલીસ AI કેમેરા ઉપરાંત ખાનગી ઉદ્યોગોના કેમેરા નેટવર્ક સાથે પણ સંકલન કરી રહી છે, જેથી કોઈ પણ સંભવિત ખતરો ઝડપથી ઓળખી શકાય. AI અને CCTV નેટવર્ક સાથે સાથે પોલીસ હ્યુમન સોર્સીસની મદદથી મેદાન પરની માહિતી એકત્રિત કરી રહી છે.
ટેક્નોલોજી અને માનવીય ઇન્ટેલિજન્સનો આ સંકલન સુરત શહેરને આતંકવાદી અથવા અસામાજિક તત્વોથી સુરક્ષિત રાખવા માટે નિર્ણાયક પગલું સાબિત થઈ રહ્યું છે.

મુખ્ય મુદ્દા એક નજરે:

1600 CCTV કેમેરા દ્વારા શહેરભરમાં નજર

 1100 હિસ્ટ્રી શીટરોનો ડેટા AI સિસ્ટમમાં અપલોડ

 AI એલર્ટ સિસ્ટમથી શંકાસ્પદ પ્રવૃત્તિઓનું નિરીક્ષણ

 હજીરા ઔદ્યોગિક વિસ્તારમાં વિશેષ તકેદારી

ટેક્નોલોજી અને માનવીય ઇન્ટેલિજન્સનો સંકલન