સુરત શિક્ષણ સમિતિની સામાન્ય સભામાં હોબાળો: BLO શિક્ષકો પર વધતા દબાણ મુદ્દે વિપક્ષ આક્રમક, AAP કાર્યકરો પણ મેદાનમાં

સુરત │ સુરત નગર પ્રાથમિક શિક્ષણ સમિતિની સામાન્ય સભા આજે ભારે ગેરવ્યવસ્થા અને ટકરાવના માહોલ વચ્ચે યોજાઈ હતી. વિપક્ષ દ્વારા શિક્ષકોને બી.એલ.ઓ.ની કામગીરી દરમિયાન માનસિક ત્રાસ પહોંચાડાતો હોવાના આક્ષેપો સાથે સભામાં વ્હોટ્સએપ મેસેજ રજૂ થતાં જ ગરમાગરમી છવાઈ ગઈ હતી. આમ આદમી પાર્ટીના કાર્યકરો પણ પ્લે-કાર્ડ લઈને સભાસ્થળે પહોંચતા વિરોધ વધુ ઉગ્ર બન્યો હતો.

હિરપરાએ જણાવ્યું કે આ મેસેજો દ્વારા શિક્ષકોને ધમકીભર્યું વાતાવરણ ઊભું કરાયું છે, જેને કારણે તેઓ વર્ગખંડથી દૂર રહીને બી.એલ.ઓ.ની કામગીરી કરવામાં મજબૂર બને છે—જેનો સીધો પ્રભાવ બાળકોના ભણતર પર પડે છે.

વિપક્ષના વિરોધ વચ્ચે AAP કાર્યકરો પણ ‘શિક્ષકોને વર્ગખંડમાં રાખો’ જેવા સૂત્રો સાથે સભાસ્થળે પહોંચી ગયા. પ્લે-કાર્ડ પર લખેલું હતું:

રાકેશ હિરપરાએ આંકડાઓ સાથે ઉદાહરણો આપી જણાવ્યું કે ઘણી શાળાઓમાં લગભગ તમામ કાયમી શિક્ષકોને બી.એલ.ઓ.ની કામગીરી સોંપવામાં આવી છે. જેમ કે:

તેમણે જણાવ્યું કે આવી સ્થિતિમાં શિક્ષકોને અભ્યાસ કરતાં વધુ સમય ફિલ્ડમાં જ વિતાવવો પડે છે, જેના કારણે વિદ્યાર્થીઓનું શૈક્ષણિક નુકસાન વધી રહ્યું છે.

બિહાર ચૂંટણીનું ઉદાહરણ આપતાં તેમણે કટાક્ષ કર્યો કે આવનારી નગરપાલિકા ચૂંટણીને લઈ વિપક્ષમાં ચિંતા વધી રહી છે અને આ મુદ્દાને રાજકીય રૂપ આપવામાં આવી રહ્યું છે.

હોબાળો વચ્ચે પણ સામાન્ય સભામાં અન્ય 15 એજન્ડા પર ચર્ચા કરવામાં આવી. સૌથી મહત્વના એજન્ડા મુજબ જુદા જુદા માધ્યમો—ગુજરાતી, હિન્દી, અંગ્રેજી, મરાઠી અને ઉર્દૂ—માટે 34-34 જીવનચરિત્ર આધારિત પુસ્તકો તથા QR કોડ સહિતના શિક્ષણ સામગ્રીના પ્રકાશનને મંજૂરી આપવામાં આવી.