નવસારીમાં સગર્ભા મહિલા અને નવજાતનું કરૂણ મોત —હોસ્પિટલ પર બેદરકારીના ગંભીર આક્ષેપો

નવસારી: ધમડાછા ગામની સગર્ભા કલ્પના હળપતિ અને તેના નવજાત શિશુનું મોત થતાં વિસ્તારમાં શોક અને રોષ વ્યાપી ગયો છે. પરિવારજનો, સમાજ આગેવાનો અને હળપતિ સમાજે ગણદેવી પોલીસ ઇન્સ્પેક્ટરને આવેદનપત્ર આપી જવાબદાર હોસ્પિટલ અને સ્ટાફ સામે કડક પગલાંની માંગ કરી છે.

મળતી માહિતી મુજબ, કલ્પનાની ગણદેવીની જયકિશાન હોસ્પિટલમાં પ્રસૂતિ ચાલી રહી હતી. પરિવારજનોએ આક્ષેપ કર્યો છે કે લેબર રૂમમાં નર્સ અને ડોક્ટરની બેદરકારીને કારણે સગર્ભા નીચે પડી ગઈ હતી, જેના કારણે તે બેહોશ થઈ ગઈ હતી. બાદમાં સિઝેરિયન કરાયા ત્યારે બાળક મૃત અવસ્થામાંγεν્યું હતું. કલ્પનાની સ્થિતિ ગંભીર બનતાં તેનું ગર્ભાશય કાઢવું પડ્યું અને તેને નવસારીની ખાનગી હોસ્પિટલમાં ખસેડવામાં આવી હતી, જ્યાં સારવાર દરમિયાન તેમનું મૃત્યુ થયું હતું.

પરિવારજનોએ હોસ્પિટલ પર દસ્તાવેજો ગુમાવવાના પણ આક્ષેપ કર્યા છે. મૃતકના ભાઈએ જણાવ્યું કે બહેન લેબર પેઇન દરમિયાન સ્ટ્રેચર પરથી પડી ગઈ હતી અને નાકમાંથી રક્ત વહેતું હતું, ત્યારે કોઈ સ્ટાફ હાજર નહોતો.

બેદરકારીના આક્ષેપોને નકારી કાઢ્યાં

બીજી બાજુ, ડોક્ટર ધારા પટેલે બેદરકારીના આક્ષેપોને નકારી કાઢીને કહ્યું છે કે બાળકના ધબકારા ઘટતાં ઈમરજન્સી ઓપરેશન કરાયું હતું, તમામ 7 ડોક્ટરો હાજર હતા અને દર્દીને ગંભીર બીમારી હોવાની જાણ સગાઓને દેવામાં આવી હતી.મામલે હાલ તપાસ ચાલી રહી છે અને પરિવારજનોએ ન્યાય મળ્યા વિના પગલા ન લેવા ચેતવણી આપી છે.