સુરત હાઈવે પર હીટ એન્ડ રન: કીમ નજીક અજાણ્યા વાહનની ટક્કરે આધેડનું મોત, પોલીસ તપાસ શરૂ

સુરત જિલ્લામાંથી પસાર થતા નેશનલ હાઇવે 48 પર વધુ એક દુઃખદ **હીટ એન્ડ રન**ની ઘટના સામે આવી છે. કીમ ચારરસ્તા નજીક પીપોદરા વિસ્તારમાં એક અજાણ્યા વાહનની ટક્કરે આધેડ બાઇકચાલકનું મોત થયું છે.

માહિતી મુજબ, **રામચંદ્ર પાંડે**, જે નોકરી પૂરી કરી ઘર તરફ પરત ફરી રહ્યા હતા, તે સમયે તેમની બાઈકને એક અજાણ્યા વાહને જોરદાર ટક્કર મારી હતી. ટક્કર એટલી ભયાનક હતી કે તેમને **માથાના ભાગે ગંભીર ઇજાઓ** પહોંચી હતી અને ઘટનાસ્થળે જ તેમનું દુઃખદ મોત નિપજ્યું.

અકસ્માત સર્જનાર વાહનચાલક ટક્કર બાદ પોતાનું વાહન લઈને સ્થળ પરથી ફરારથઈ ગયો હતો. ઘટનાની જાણ કોસંબા પોલીસને કરવામાં આવી હતી.

પોલીસે અજાણ્યા વાહનચાલક સામે ગુનો નોંધ્યો છે અને CCTV ફૂટેજ સહિતની તમામ દિશામાં તપાસ શરૂ** કરી છે. પોલીસ હીટ એન્ડ રનના આરોપીને ઝડપવા પ્રયાસો તેજ કરી રહી છે.